सिडको झोनमध्ये वंचित बहुजन आघाडीचा उमेदवारी अर्ज दाखल—देवानंद सरोदे प्रभाग १९ मधून रिंगणात

नांदेड दि.२९ : नांदेड महानगरपालिका निवडणुकीत वंचित बहुजन आघाडीने आज झोन क्रमांक ६, सिडको येथे उमेदवारी अर्ज दाखल करत अधिकृतपणे निवडणूक रणशिंग फुंकले. प्रभाग क्रमांक १९ (अनुसूचित जाती) मधून पक्षाचे उमेदवार देवानंद गणपती सरोदे यांनी समर्थकांच्या उपस्थितीत नामनिर्देशन अर्ज दाखल केला. यावेळी पक्षाच्या कार्यकर्त्यांनी घोषणाबाजी व जयघोष करत उत्साहपूर्ण वातावरण निर्माण केले.

शहर विकास, मूलभूत सुविधा आणि सामाजिक न्यायाचा मुद्दा घेऊन सरोदे यांची निवडणूक लढविण्याची तयारी असून स्थानिक पातळीवर याबाबत चर्चेला उधाण आले आहे.

आगामी दिवसांत प्रचाराला गती मिळणार असून प्रभागातील मतदारांचे लक्ष सरोदे यांच्या बाजूला किती वेधता येते, याकडे सर्वांचे लक्ष लागले आहे.