आंबेडकरवादी मिशन मध्ये छत्रपती शिवाजी महाराज जयंती उत्साहात

नांदेड :  आंबेडकरवादी मिशनच्या वतीने छत्रपती शिवाजी महाराज जयंती मोठ्या उत्साहात व जल्लोषात साजरी करण्यात आली. कार्यक्रमात विविध मान्यवरांची प्रमुख उपस्थिती लाभली. उपस्थित मान्यवरांनी छत्रपती शिवाजी महाराजांच्या प्रतिमेस पुष्पहार अर्पण करून अभिवादन केले व त्यांच्या कार्याचा गौरव केला.

         आंबेडकरवादी मिशन चे प्रमुख दीपक कदम यांच्या पुढाकाराने झालेल्या या सोहळ्यास कामाजी पवार, राष्ट्रीय अध्यक्ष, मराठा सेवा संघ, एकनाथ मोरे, रेणुका तम्मलवार, इंजी. शिवाजी सोनकांबळे, डॉ. महेंद्र गोडबोले, करूणा तारु, विद्या पोवळे, तेजू बचूटे तसेच प्राचार्य पवार यांची विशेष उपस्थिती होती. मान्यवरांनी आपल्या भाषणात छत्रपती शिवाजी महाराजांच्या स्वराज्य संकल्पनेचा व सामाजिक समतेच्या विचारांचा उल्लेख करत आजच्या पिढीने त्यांच्या आदर्शांचा अंगीकार करावा, असे आवाहन केले. आंबेडकरवादी मिशनच्या कार्यकर्त्यांनी कार्यक्रमाचे सुयोग्य नियोजन करून सोहळा यशस्वी केला.

 कार्यक्रमात देशभक्तीपर गीते, घोषणाबाजी आणि शिवचरित्रावरील प्रेरणादायी भाषणे यामुळे वातावरण देशभक्तीने भारावून गेले होते. शेवटी उपस्थित सर्व मान्यवरांचे आभार मानून कार्यक्रमाची सांगता करण्यात आली.