"बहुजन नायक कांशीराम यांच्या विचारांचा जयघोष — जेएनयूमध्ये बीएपीएसएचा प्रेरक कार्यक्रम"

दिल्ली,दि.९ : “शिका, संघर्ष करा आणि संघटित व्हा” या क्रांतिकारी घोषणेचा गजर पुन्हा एकदा जेएनयूमध्ये घुमणार आहे! बहुजन समाजाच्या राजकीय व सामाजिक क्रांतीचे शिल्पकार, बहुजन नायक मान्यवर कांशीराम यांच्या महापरिनिर्वाण दिनानिमित्त बिर्सा आंबेडकर फुले स्टुडंट्स असोसिएशन (BAPSA) तर्फे एक प्रभावी सार्वजनिक व्याख्यान आयोजित करण्यात आले आहे.या व्याख्यानाचा विषय आहे — “आयडियाज ऑफ मान्यवर कांशीराम अँड इट्स रिलव्हन्स इन कंटेम्पररी पॉलिटिक्स”. कांशीराम यांच्या परिवर्तनवादी विचारांचे आजच्या राजकारणातले महत्त्व अधोरेखित करणारा हा कार्यक्रम ९ ऑक्टोबर रोजी सायं. ५ वाजता, जवाहरलाल नेहरू विद्यापीठातील साबरमती ढाबा येथे होणार आहे.या प्रेरक चर्चासत्रात भाग घेणार आहेत:डॉ. संजय ओंकार इंगोले, सहाय्यक प्राध्यापक, समाजकार्य विभाग, जामिया मिलिया इस्लामिया,डॉ. चंद्रैय्या गोपनी, सहयोगी प्राध्यापक, जी. बी. पंत समाजविज्ञान संस्था, इलाहाबाद विद्यापीठ,एस. एस. गौतम, बहुजन बुद्धिजीवी व लेखक.बीएपीएसएचा हा उपक्रम बहुजन चळवळीच्या विचारांना नव्या पिढीकडे पोहोचवण्याचा आणि सामाजिक न्यायासाठीच्या लढ्याचा नव्या ऊर्जेने पुनर्जागरण करण्याचा प्रयत्न आहे. “बहुजनांच्या हक्कांसाठी संघर्ष सुरूच राहील!” या निर्धाराने सजलेला हा कार्यक्रम जेएनयूमध्ये नव्या सामाजिक ऊर्जा निर्माण करणार आहे.